Rig Veda Book 9 Hymn 11

उपास्मै गायता नरः पवमानायेन्दवे |
अभि देवां इयक्षते ||
अभि ते मधुना पयो ऽथर्वाणो अशिश्रयुः |
देवं देवाय देवयु ||
स नः पवस्व शं गवे शं जनाय शम अर्वते |
शं राजन्न ओषधीभ्यः ||
बभ्रवे नु सवतवसे ऽरुणाय दिविस्प्र्शे |
सोमाय गाथम अर्चत ||
हस्तच्युतेभिर अद्रिभिः सुतं सोमम पुनीतन |
मधाव आ धावता मधु ||
नमसेद उप सीदत दध्नेद अभि शरीणीतन |
इन्दुम इन्द्रे दधातन ||
अमित्रहा विचर्षणिः पवस्व सोम शं गवे |
देवेभ्यो अनुकामक्र्त ||
इन्द्राय सोम पातवे मदाय परि षिच्यसे |
मनश्चिन मनसस पतिः ||
पवमान सुवीर्यं रयिं सोम रिरीहि नः |
इन्दव इन्द्रेण नो युजा ||

http://www.vogaz.com